Pas humbjes së Portugalisë në Euro 2020 javën e kaluar, Cristiano Ronaldo, ka shijuar disa ditë pushime me partneren, Georgina Rodriguez, dhe fëmijët e tij.

Futbollisti i famshëm nuk ngurroi që me 310 milionë ndjekësit e tij në “Instagram” të postonte disa fotografi nga pushimet luksoze. Fillimisht ai publikoi një pozë familjare, ku shfaqeshin duke shijuar rrezet e diellit në një jaht.

“Është koha të pushoj me të dashurit e mi”, shkruante Ronaldo në foton në fjalë, ku fansat i shkruanin se e meriton.

Më pas 36-vjeçari postoi një foto ku tregonte fizikun e tij të palestruar. Nga ana tjetër, Georgina mori gjithë vëmendjen teksa ekspozoi trupin perfekt me rroba banje. 27-vjeçarja i kishte lënë flokët e lira mbi shpatulla si dhe mbante një palë vathë me rrathë.