Deputetja e Lëvizjes Vetëvendosje, Albulena Haxhiu, pas vendimit të Agjencisë Kundër Korrupsionit (AKK) ka kërkuar nga Qeveria e Kosovës që ta anulojë vendimin për rritje pagash.

“Një ditë pas vendimit të Qeverisë për rritjen e pagave, e kam dërguar këtë vendim të jashtëligjshëm dhe të padrejtë në Agjencinë Kundër Korrupsionit! Sot kuptova që Agjencia Kundër Korrupsionit, vendimin e 20 dhjetorit për rritjen e pagave afër 100 për qind e paska konsideruar të jashtëligjshëm. Ky është një opinion i drejtë rrjedhimisht Qeveria Haradinaj duhet menjëherë ta shfuqizojë atë vendim të jashtëligjshëm”, ka shkruar Haxhiu në llogarinë e vet në “Facebook”.