Dy ditë më parë publiku u trondit nga një video ku dukej Megi Pojani duke u tallur mbi varrin e stërgjyshes së saj. Ishte Marsela (motra e Megit) ajo e cila e postoi videon në InstaStory, ku shfaqej Megi duke pastruar varrin, qeshur, kërcyer dhe duke u tallur para familjarit të tyre të ndjerë.

Pjesa më e madhe e publikut u prek dhe e “dënoi” veprimin e Megi Pojanit tek varrezat, por siç duket familjarët e saj nuk e konsiderojnë ndonjë gjë të madhe .

Ina Pojani, motra e Megit ka publikuar së fundmi në Instagram një bisedë “WhatsApp-i” me tezen e tyre, e cila e kritikon Megin jo për veprimin, por pse kërkoi ndjesë publike.

Videoja në fjalë tashmë është bërë virale dhe ka marrë komente nga më të ndryshmet, kryesisht negative. Reagimet kanë nga më të shumtat, që nga persona të thjeshtë e deri tek ata publik.

Edhe Megi vetë kërkoi ndjesë (sipas saj ajo video ka 3 vite që është filmuar) dhe vazhdoi normalisht jetën e saj./Albeu.com/