Pas vdekjes së Ramush Tahirit, Hoxhaj: Ngushëllime vendit për humbjen e një njeriu të papërsëritshëm
Pas lajmit për vdekjen e politologut, Ramush Tahiri, ka reagur ish-u.d i kryetarit të PDK-së, Enver Hoxhaj.
Hoxhaj përmes një shkrimi në ‘Facebook’ ka shprehur ngushëllime për vdekjen e Tahirit, që sipas tij do të lë një boshllëk të madh për të dhe vendin.
Ai ndër tjera ka ngushëlluar edhe miqtë dhe familjarë për vdekjen e Tahirit, ‘për humbjen e një njeriu të papërsëritshëm’.
Postimi i plotë i tij:
Ditë e pikëlluar sot. Vdekja e Ramush Tahirit do të lë një boshllëk të madh të mikut plot virtyte dhe të aktivistit shumëvjeçar në shërbim të vendit.
Në tre dekadat e fundit, ai ka dhënë një kontribut shumë të madh për lirinë, pavarësinë dhe zhvillimin e demokracisë në Kosovë.
Me Ramushin kemi punuar në Ministrinë e Punëve të Jashtme në një përiudhë të rëndësishme të shtetndërtimit.
Në periudhat më të rëndësishme të zhvillimit të vendit, Ramush Tahiri ishte gjithmonë ai zëri i arsyes dhe ai mendim i balancuar politik që aq shumë na duhej.
Ngushëllime familjes për humbjen e njeriut të dashur! Ngushëllime miqve për humbjen e mikut me virtyte të rralla dhe ngushëllime vendit për humbjen e një njeriu të papërsëritshëm!
Pusho në paqe miku im!
