Reshjet e borës në vendbanimet me lartësi të lartë mbidetare, janë të dendura dhe si rezultat edhe në rrugët në fshatrat që gjinden në Malet e Berishës, kishte probleme në qarkullim.

Për shkak të kësaj gjendje, Komuna e Malishevës gjatë ditës së sotme është duke larguar borën në rrugët e këtyre vendbanimeve.

Drejtori i Drejtorisë së Shërbimeve Publike Rifat Mazreku, ka bërë të ditur se bashkë me operatorin përgjegjës, janë duke u angazhuar maksimalisht për mirëmbajtjen e rrugëve dhe aktualisht të gjitha rrugët janë të kalueshme.

Drejtori Mazreku gjithashtu ka bërë të ditur se pastrimi i rrugëve po ju ndihmon edhe njësive të KEDS për intervenim në rregullimin e rrjetit energjetik, që ka pësuar dëmtime si pasojë e erërave të forta dhe borës.