Kryetari i Partisë Demokratike të Kosovës (PDK), Kadri Veseli, ka bërë me dije se Këshilli Drejtues i kësaj partie ka diskutuar për përgatitjet për zgjedhjet e brendshme.

Veseli ka thënë se ky proces zgjedhor do të jetë i hapur dhe gjithëpërfshirës.

“Në Këshillin Drejtues të PDK-së, për të diskutuar përgatitjet për zgjedhjet e brendshme. Ky proces zgjedhor do të jetë tërësisht i hapur, gjithëpërfshirës, gërshetim kreativ gjeneratash dhe hapje dyersh për të gjithë ata që kanë ide dhe duan të kontribuojnë për vendin. Të rinj e të vjetër së bashku me shpirtin gjithmonë të ri të PDK-së. Dekada e Re e Pavarësisë do të flasë me zërin e Partisë Demokratike të Kosovës”, ka shkruar Veseli në llogarinë e vet në “Facebook”.

/Epoka e re/

https://www.facebook.com/kadriveseliofficial/photos/a.268197093355504/1091584521016753/?type=3&theater