PDK-ja kërkon që trafiku urban në Prishtinë të bëhet falas

01 nëntor 2020 | 13:57

Partia Demokratike e Kosovës ka propozuar që me qëllim të mbrojtjes së ajrit, trafiku urban në Prishtinë të bëhet falas.

Përmes një konference për media, asamblistja e kësaj partie në Komunën e Prishtinës, Suzana Vuqiterna Kika, ka thënë se lëvizja falas përmes trafikut urban nga nëntori deri në muajin mars, do të ishte zgjidhje efektive në mbrojtjen e ajrit.

“Me uljen e temperaturave ka filluar edhe ndotja e ajrit. Jo rrallëherë, gjatë viteve të kaluara, Prishtina është renditur si qyteti me ndotjen më të lartë të ajrit. Ju kemi ftuar për të shprehur shqetësimin tonë si degë lidhur me gjendjen aktuale të ajrit, pasi Komuna asnjëherë nuk ka ndërmarrë asgjë”, ka thënë ajo.

Kurse, asamblisti i PDK-së, Ilir Musliu ka deklaruar se propozimi i tyre do i nxiste qytetarët në përdorimin e trafikun urban, në vend të veturave personale.

“Do të angazhohemi që ky propozim të shkojë në Kuvendin Komunal dhe nga kjo konferencë kërkojmë mbështetjen e asamblistëve”, ka deklaruar Musliu.

Lajme të sponsorizuara

Të fundit
Burim Breznica Zgjedhjet në ShBA më 3 nëntor, ndoshta janë…