Partia Demokratike e Kosovës (PDK) ka përkujtuar martirët e masakrës së Izbicës, në 26-vjetorin e rënies së tyre.

Në një postim në “Facebook”, PDK-ja ka deklaruar se me dhembje kujton 147 martirët e rënë nga regjimi kriminal serb.

“Kjo masakër na e rikujton çdo vit çmimin e shtrenjtë të lirisë që ka paguar populli ynë. Familjarët e viktimave dhe shoqëria jonë nuk do të ndalen kurrë së kërkuari drejtësi për këto krime të rënda. Kosova nuk harron asnjëherë!”, është thënë në përkujtimin e PDK-së.