Presidenti i Maqedonisë së Veriut, Stevo Pendarovski, sot do të qëndrojë për vizitë në Kosovë, ku do të takohet me presidenten Vjosa Osmani.

Sipas agjendës, në orën 09:00 Osmani do ta presë Pendarovskin me ceremonitë më të larta shtetërore në sheshin “Ibrahim Rugova” në Prishtinë.

Në fund të takimit do të mbajnë konferencë për media, ka bërë me dije Zyra për Medie e Presidencës.