![](https://www.epokaere.com/wp-content/uploads/2024/09/kallaba.jpg)
Pensionohet arsimtari i edukatës fizike, Agim Kallaba (foto)
Në ambientet e sallës së fizkulturës në Shkollën Fillore të Mesme dhe të Ulët (ShFMU) “Metush Krasniqi” në Roganë të Kamenicës, pas një pune 23-vjeçare është organizuar ceremonia e pensionimit të arsimtarit të edukatë fizike, Agim Kallaba.
Përpos familjarëve të pranishëm në ceremoninë pensionimit kanë marrë pjesë edhe kolegët e Kallabës.
Në emër të DKA-së, ka folur drejtori Afrim Dërvishi, ndërsa në emër të ShFMU – drejtoresha Belgizare Kryeziu.
Çaste evokimesh të bashkëpunimit kanë evokuar edhe kolegët Florim Kryeziu, Bajram Kallaba dhe Muzafer Kallaba. Në emër të familjes, të pranishmit i ka falënderuar vajza e Agimit, Matjane Kallaba-Dërmaku.
Në shenjë respekti dhe falënderimi familja Kallaba ka shtruar një drekë, pas së cilës ka pasur edhe një program muzikor.