Fushata e zëvendëspresidentes, Kamala Harris tha të hënën se kishte mbledhur 81 milionë dollarë në 24 orët e para, një shumë që fushata tha se ishte shuma më e madhe njëditore në historinë e Shteteve të Bashkuara të Amerikës.

Kjo shumë erdhi nga kontributet që përfshinin më shumë se 880 mijë donatorë bazë, 60 për qind e të cilëve dhanë kontributin e parë të ciklit 2024, shkruan NBC News.

“Shpërthimi historik i mbështetjes për zëvendëspresidenten Harris përfaqëson pikërisht llojin e energjisë dhe entuziazmit bazë që fiton zgjedhjet,” tha në një deklaratë Harris.

“Tashmë, ne po shohim një koalicion të gjerë dhe të larmishëm të bashkuar për të mbështetur puna jonë kritike për të folur me votuesit që do të vendosin për këto zgjedhje”.