Papa Françesku ka mbërritur në Emiratet e Bashkuara Arabe për vizitën e parë të bërë ndonjëherë nga një prift në gadishullin arab.

Ai u ul në Abu Dhabi ku u përshëndet nga Princi i Kurorës sheik Mohammed bin Zayed al-Nahyan.

Papa do të marrë pjesë në një konferencë ndërfetare dhe të martën do të mbajë Meshën në të cilën 120,000 vetë pritet të marrin pjesë.

Para se të largohej, ai shprehu shqetësim rreth luftës në Jemen, në të cilën angazhohen Emiratet e Bashkuara Arabe.

“Popullsia në Jemen është e lodhur nga konflikti i gjatë dhe një numër i madh i fëmijëve po vuajnë nga uria, por nuk mund të hyjnë në depo ushqimore. Thirrja e këtyre fëmijëve dhe prindërve të tyre ngrihet tek Perëndia”, u shpreh ai, transmeton “oranews”.

Nuk është e qartë nëse Papa ka në plan të ngrejë çështjen në publik apo privatisht, ndërsa viziton Emiratet e Bashkuara Arabe. Emiratet e Bashkuara Arabe janë të përfshira në Jemen si pjesë e koalicionit të udhëhequr nga Sauditet.

Emiratet e Bashkuara Arabe janë shtëpi për gati një milion katolikë , shumica prej tyre nga Filipinet apo India.

Burime i thanë agjencisë së lajmeve AFP se vizita e Papës “hap dyert për biseda rreth tolerancës që e gjithë bota duhet të dëgjojë”.

Në një mesazh video të enjten, Papa tha: “Besimi në Perëndi bashkon dhe nuk ndan, na tërheq më afër pavarësisht nga dallimet, na largon nga armiqësitë dhe neveritë.”

Ai i nderoi Emiratet e Bashkuara Arabe si “një vend që përpiqet të jetë model i bashkëjetesës, i vëllazërisë njerëzore dhe një vend takimi midis qytetërimeve dhe kulturave të ndryshme”.

Ndërsa në Abu Dhabi, Papa do të mbajë gjithashtu një takim me sheik Ahmed al-Tayeb, imam i madh i xhamisë së al-Azharit të Kajros, i cili është vendi më i lartë i të mësuarit për muslimanët sunitë.

Murad Batal Shishani i “BBC Arabic”, i cili ndodhet në Abu Dhabi, thotë se Vatikani shpreson që vizita e Papës mund të lirojë kufizimet për ndërtimin e kishave në rajon, veçanërisht në Arabinë Saudite fqinje, ku vendet jomuslimane të adhurimit janë të ndaluara.

Zyrtarët e Vatikanit thonë se kanë nevojë për një prani më të fortë të Kishës në Emiratet e Bashkuara Arabe për t’u shërbyer komunitetit katolik atje.