658 persona kanë kërkuar ndihmë mjekësore në Qendrën Klinike Universitare të Kosovës gjatë tri ditëve të fundit.

Në dhomën e kujdesit të avancuar mjekësor janë trajtuar 119 pacientë, gjersa kishte 131 vizita kirurgjike.

Brenda kësaj kohe, janë shënuar 216 raste internistike dhe 136 ortopedike, raporton “Epoka e re”.

Sipas raportit të punës, 45 persona kanë kërkuar ndihmë për lëndimet e marra në aksidente komunikacioni.

Me udhëzim të mjekëve, për trajtim të mëtutjeshëm, 74 persona janë shtrirë në klinika të ndryshme të QKUK-së.