Përfaqësuesja e Kosovës në futboll do të luajë ndeshjen e parë në muajin tetor në udhëtim te Suedia.

Kjo ndeshje zhvillohet më 9 tetor, kurse biletat kanë dalë në shitje për këtë takim dhe janë shitur gjysma e tyre për një kohë rekord. Ka qenë Federata e Futbollit të Suedisë që ka njoftuar se vetëm për tri orë janë shitur 21,834 bileta.

Ndeshja mes Suedisë dhe Kosovës do të zhvillohet në “Friends Arena” në Stockholm, stadium që ka kapacitet prej 54,329 personave. Besohet se një numër i madh që kanë blerë bileta janë tifozë shqiptarë që jetojnë dhe veprojnë në Suedi.