PËR TY NA MERR MALLI
05 maj 2023
| 13:25
Ramë Bashota
(heroit Nazmi Bashota)
Hero, malli na merr sinqerisht
I denjë ti i prije çetës a një aradhe
Re me armë në dorë heroikisht
Ecim të lirë jo veç tek Ara e Madhe
Arma jote u ndie tejpërtej botës
Një detyrë vetes ti ia pate vënë
Arrite amanetin e Malë Bashotës
Aty ku gjyshi yt në gjysmë e pat lënë
Nga fusha e malit ecim jug e veri
Amanetin e arrite me armë në dorë
Në piedestal u ngrite edhe më i ri
Shkëlqen në qiell si një meteor
Nëna të la jetim – foshnjë të la
U rrite ashtu siç rriten atdhetarët
Edhe ajo nënë për ty jetën e dha
Të kujtojnë Atdheu dhe luftëtarët
09.03.2022