Janë përcaktuar 4 skuadrat më të mira që avancojnë në gjysmëfinale të NBA Cup pas përfundimit të fazës çerekfinale.

Kështu pas Milwakee dhe Oklahomës në gjysmëfinale do të shkojnë edhe Houston Rockets dhe Atlanta Hawks.

Ekipi i Atlanta fitoi 108-100 në fushën e New York Nicks. Stoli i ekipit mik ishte vendimtar, nga ku erdhën 43 pikë (Hunter me 24 pikë më i miri).

Tashmë Hawks do të kërkojnë revanshin ndaj Milwakee, të cilët i mundën ata në sezonin e rregullt.

Spektakolare ndërkohë ishte sfida në Perëndim, mes Houston Rokets dhe Golden State Warriors.

Houston fitoi 91-90 ndaj Golden State në sekondat e fundit të ndeshjes. Vendimtar për vendasit ishte Sengun, autor i 26 pikëve e 11 rebound, duke i bërë të pavlefshme 20 pikët e Kuminga për Warriors.

3 sekonda nga fundi një faull i Curry bëri që Jalen Green të shënonte nga gjuajtjet e lira e t’u jepte texanëve suksesin e ngushtë 91-90, por që mjafton për të prerë biletën për në gjysmëfinale, aty ku Houston do të përballet me Oklahomën.