Që nga viti 2019, Samsung dhe përdoruesit e tij kanë shfrytëzuar aplikacionin Samsung Global Goals për të mbledhur më shumë se 10 milionë dollar për Programin e Zhvillimit të Kombeve të Bashkuara

Samsung Electronics ka njoftuar se kompania ka arritur një moment historik të rëndësishëm në udhëtimin e tij për të përmirësuar Objektivat e Zhvillimit të Qëndrueshëm (SDGs), ose Objektivat Globale (Global Goals), me një kontribut prej më shumë se 10 milionë dollarë në Programin e Kombeve të Bashkuara për Zhvillim (UNDP). Fondet u gjeneruan përmes aplikacionit Samsung Global Goals dhe do të ndihmojnë UNDP-në të promovojë fleksibilitetin dhe të përshpejtojë progresin në mbarë botën.

Themeluar nga Kombet e Bashkuara në 2015, Objektivat Globale ofrojnë një plan të përbashkët piketash ambicioze për një botë më të drejtë dhe të qëndrueshme deri në vitin 2030. 17 Objektivat Globale promovojnë bashkëpunimin kolektiv për të adresuar pabarazinë, ndryshimet klimatike, degradimin e ekosistemit, arsimin dhe sfida të tjera urgjente globale. Samsung ka filluar të ofrojë zgjidhje inovative në mbështetje të Objektivave Globale që në vitin 2019 duke bashkëpunuar me UNDP-në për të lançuar aplikacionin Samsung Global Goals. Komuniteti global i kompanisë Galaxy që atëherë i është bashkuar lëvizjes duke përdorur aplikacionin si një mjet të thjeshtë por kuptimplotë për të bërë një ndryshim në jetën e tyre të përditshme.

Ndërmarrja e veprimeve kolektive për arritjen e qëllimeve

“Në Samsung, ne e dimë se teknologjia luan një rol vendimtar në zgjidhjen e disa prej sfidave më të mëdha me të cilat përballet bota tani,” tha TM Roh, President dhe Shef i Biznesit Mobile eXperience në Samsung Electronics. “Përmes partneritetit tonë me UNDP-në dhe aplikacionin Samsung Global Goals, komuniteti Galaxy ka qenë i rëndësishëm në arritjen e objektivave globale. Ne duam të shprehim mirënjohjen tonë për përdoruesit tanë që mundësuan këtë moment historik të jashtëzakonshëm.”

Veprimet e ndërmarra në aplikacionin Samsung Global Goals mbështesin punën me ndikim të UNDP-së. Kjo përfshin angazhimin kuptimplotë të të rinjve për të arritur objektivat e zhvillimit të qëndrueshëm (SDG-të). UNDP zbaton politika, avancon programe, përkrah iniciativat rinore në mbi 100 vende dhe mbështet mbi 900 partneritete rinore.

“Ndërsa i afrohemi gjysmës së afatit 2030, ky vit që vjen është vendimtar në ndjekjen tonë për të çuar përpara Objektivat Globale”, tha administratori i UNDP-së, Achim Steiner. “Ndërsa bota është përballur me pengesa kohët e fundit, ne jemi të fuqizuar nga përparimi i bërë përmes këtij partneriteti. Së bashku me Samsung, ne duhet të ringjallim përpjekjet tona të kombinuara për të arritur objektivat dhe të frymëzojmë gjeneratën e ardhshme që të ndërmarrë veprime së bashku me ne.”

Shkallëzimi i ndikimit tonë

Aplikacioni Samsung Global Goals është instaluar në afro 300 milionë pajisje Galaxy në mbarë botën, duke përfshirë smartphone-t, tabletët dhe orët inteligjente. Nëpërmjet aplikacionit, Samsung rrit ndërgjegjësimin për objektivat globale, ndërkohë që fuqizon përdoruesit të ndërmarrin veprime të vogla që përbëjnë një ndryshim të madh. Aplikacioni Samsung Global Goals u mundëson përdoruesve të dhurojnë drejtpërdrejt, të përdorin sfonde për të rritur fitimet nga reklamat ose të gjenerojnë fonde duke parë reklama në aplikacion .

Që nga lansimi i aplikacionit Samsung Global Goals në 2019, Samsung ka zgjeruar partneritetin e tij me UNDP me Generation17, një nismë që fuqizon zërat e 14 liderëve të rinj që kanë ndikim domethënëse në komunitetet e tyre në mbarë botën. Liderët e rinj të “Generation17” luajnë një rol thelbësor në frymëzimin e njerëzve për të pasur ndikim në arritjen e objektivave globale.

Samsung gjithashtu përpiqet të mbështesë objektivat globale përmes operacioneve të saj të biznesit. Kompania ka harmonizuar strategjinë e saj të korporatës ESG me objektivat globale për të identifikuar prioritetet e biznesit dhe për të komunikuar performancën sipas qëllimeve. Kompania është gjithashtu nënshkruese e Paktit Global të Kombeve të Bashkuara, një nismë që inkurajon bizneset të miratojnë politika të qëndrueshme dhe të përgjegjshme shoqërore.

Për të mësuar më shumë rreth Objektivave Globale (Global Goals) dhe për të ndërmarrë veprime konkrete, vizitoni aplikacionin Samsung Global Goals këtu: http://smsng.co/SGG-App.