Presidenti i Real Madridit, Florentino Perez, ka folur në lidhje me transferimin e Kylian Mbappes.

“Los Blancos” janë lidhur prej kohësh me Mbappen dhe dëshira e tyre për të bindur fituesin e Kupës së Botës në kryeqytetin spanjoll nuk është sekret.

Shpresat e tyre për të sjellë Mbappen në klub dukeshin sikur kanë marrë një goditje pasi Mauricio Pochettino ka pretenduar se sulmuesi do të ishte “100 për qind” në “Parc des Princes” sezonin e ardhshëm, por Perezi ka ringjallur spekulimet pasi dëshmoi se klubi i tij ka fituar titullin e ligës.

Duke folur për “Movistar” në vazhdën e triumfit të Madridit në La Liga, Perez ka thënë: “Nuk e kisha menduar Mbappen, por tani që e përmendni, mund të jetë e vërtetë dhe kështu me radhë”, shkruan “Goal”

Ai ka shtuar se “kur të planifikojmë skuadrën e vitit të ardhshëm, do të shohim”.

Trajneri i Blancos, Carlo Ancelotti është pyetur gjithashtu për mundësinë e nënshkrimit të yllit të PSG-së. Ai ka dhënë një përgjigje të fshehtë, duke thënë për “beIN Sports”: “Mbappe te Real Madrid? Me këtë klub, me këtë president, e ardhmja tashmë është shkruar”.

Megjithatë, i pyetur nëse kjo ishte menduar si një konfirmim që marrëveshja ishte kryer, trajneri italian është përgjigjur: “Nuk e thashë këtë”.

Mbappe mbetet objektivi numër një i transferimeve të Real Madridit, por PSG-ja ka kërkuar ta bindë atë të qëndrojë në Francë duke i paraqitur një kontratë 50 milionë euro në vit.

Një marrëveshje e tillë do ta bënte 23-vjeçarin lojtarin më të paguar në klub, duke tejkaluar lojtarët si Neymar dhe Lionel Messi në frontin e financave.

E ardhmja e Mbappes është disi e komplikuar nga pyetjet mbi të drejtat e imazhit, me PSG-në që kuptohet se është e lumtur për të lehtësuar dëshirën e yllit francez për kontroll 100 për qind.

Real Madridi, megjithatë, është i gatshëm të bie dakord vetëm për një marrëveshje 50-50.