Pasi u konfirmua sërish në postin e kryetarit të Partisë së Lirisë, Ilir Meta ka falënderuar në ‘Facebook’ rinjtë që organizuan dje Konventën e parë të Partisë së Lirisë.

Meta ka theksuar se tashmë Partia e Lirisë ka një program të qartë për zhvillimin e shpejtë dhe të qëndrueshëm të vendit.

“I lumtur ta nisja ditën sot me anëtarin më të ri pas Konventës së Parë të Partisë të Lirisë. Kristjan Bogdani është student informatike ekonomike dhe erdhi me shumë dëshirë për t’u bërë pjesë e jona. Partia e Lirisë do të jetë Partia e Rinisë sepse Shqipëria u përket të Rinjve!”, ka shkruar Meta.