KB Bashkimi ka nënshkruar me basketbollistin Au’Diese Toney. Ky i fundit ka përvojë edhe në një ligë të fortë evropiane dhe Champions League.

“Jemi të lumtur të njoftojmë se Au’Diese Toney është lojtari më i ri i KB Bashkimi! Në sezonin e fundit, ai ishte pjesë e Kolossos H Hotels Rodou në Greqi (GBL), duke sjellë përvojë të vlefshme nga një ligë e fortë evropiane dhe Champions League”, thuhet në njoftimin e klubit prizrenas.

Edhe KB Trepça është përforcuar. Klubin mitrovicas ka njoftuar se lojtari më i ri është amerikani Michael Green, të cilin edhe e ka prezantuar të premten në rrjetet sociale. 24-vjeçari Green  luan në pozitën e fundorit dhe vjen nga kampionati i Maqedonisë së Veriut, duke u paraqitur për Tikveshin. Amerikani ishte ndër koshashënuesit më të mirë të ligës me mesatare prej 25,1 pikë për ndeshje, 2,7 kërcime dhe 5,3 asistime për lojë.