KB Rahoveci ka konfirmuar se është përforcuar me amerikanin Aron Nwankwo.

“Ish-anëtari i Kievit në Ukrainë dhe së fundi i Oliveirenses në Portugali, Nwankwo, tash e tutje do ta djersitë fanellën e skuadrës nga ‘Mizahir Isma’. 27-vjeçari amerikan është 203 centimetra, derisa luan në dy pozita specifike, por me theks të veçantë në alo-qendër. Ky është përforcimi i tretë brenda pak kohe, me bindjen e plotë se do të jetë i denjë për të na dërguar drejt titullit”, thuhet në njoftimin e skuadrës së Rahovecit.