Gjatë ditëve të fundit disa sipërfaqe me pyje në Komunën e Podujevës janë përfshirë nga zjarret, kurse zjarrfikësit dhe ekipet emergjente të komunës janë vazhdimisht në teren, duke u angazhuar për shuarjen e zjarreve.

Në terren gjatë fikjes së zjarreve sot me ekipet e zjarrfikësve ishte edhe drejtori i Shërbimeve Publike Mbrojtje dhe Shpëtim, Bahri Selimi, i cili ka apeluar tek të gjithë qytetarët që të jenë më të kujdesshëm dhe të kontribuojnë në ruajtjen dhe mbrojtjen e pronës publike dhe private.