Kanë përfunduar tri ndeshjet e fundit të javës së pestë në IPKO Superligën e Kosovës në futboll.

Feronikeli i është rikthyer fitoreve, pasi në Drenas e mposhti skuadrën e Flamurtarit (2-1). “Nikli” pati dominim absolut në pjesën e parë të ndeshjes, por arriti të shënoi vetëm një gol nëpërmjet Mendurim Hotit. Hoti shënoi edhe golin e dytë në pesën e dytë për kampionët e elitës, kurse golin e vetëm për Flamurtarin e shënoi, Shend Kelmendi.

Dukagjini pësoi edhe një humbje si vendas. Ishte skuadra e Ferizajt ajo që shënoi fitore falë golit të vetëm të shënuar nga zëvendësuesi Edon Sadriu.

Ndeshja në mes Vushtrrisë dhe Drenicës përfundoi me rezultat 2-2.

/Epoka e re/