Përfaqësuesja e Kosovës në futboll e ka fituar pjesën e parë të miqësores ndaj Burkina Fasos me rezultat 2-0.

“Dardanët” kanë shkëlqyer në pjesën e parë të ndeshjes që po zhvillohet në stadiumin “Fadil Vokrri” duke shënuar dy gola. Fidan Aliti në minutën e katërt dhe në minutën e 23-të, Astrit Selamani ishin realizuesit e Kosovës. Në bankë janë edhe futbollistët e dëshmuar dhe pikat më të forta të Kosovës, Vedat Muriqi, Valon Berisha, Florent Hadergjonaj dhe Amir Rrahmani.

Duket se përzgjedhësi i ri Alain Giresse do të debuton me fitore në krye të “dardanëve”.

/Epoka e re/