Drita ka arritur të ruajë portën ndaj Legias në pjesën e parë edhe pse mbeti me dhjetë lojtarë në fushë.

Hasan Gomda ishte ai që u ndëshkua me karton të kuq në minutën e 30-të, pasi që rasti u shikua në VAR dhe u vendos që ndërhyrja e tij ishte si lojtar i fundit.

Ndeshja po zhvillohet në praninë e 31 mijë tifozëve në stadiumin Wojska Polskiego në kryeqytetin polak Varshavë.

Drita kërkon rezultat pozitiv në ndeshjen e parë, për të luajtur për kualifikimin pas një jave në “Fadil Vokrri”.