Ka përfunduar pa ndonjë rezultat seanca e jashtëzakonshme e Kuvendit të Kosovës në të cilën është diskutuar për gjendjen në Telekomin e Kosovës.

Në këtë seancë nuk ka arritur të dalë në votim rezoluta për Telekomin për shkak të mungesës së kuorumit, raporton “Epoka e re”.

Për disa orë në këtë seancë është diskutuar në lidhje me gjendjen e Telekomit dhe kontratën e kësaj ndërmarrjen me “Z-Mobile”.

Gjatë kësaj seance ka pasur edhe akuza dhe kundërakuza në mes të deputetëve të pozitës dhe opozitës në lidhje me gjendjen e Telekomit.

Seanca për Telekomin është ftuar nga LDK-ja dhe Vetëvendosje.

/Epoka e re/