Në nderim të veprës së tyre, në Penuhë të Podujevës, në 25 vjetorin e rënies në altarin e lirisë, janë përkujtuar dëshmorët e kombit, ish ushtarët e Zonës Operative të Llapit, Fatmir Hyseni dhe Skender Gashi të rënë gjatë betejave kundër forcave serbe me 9 maj 1999.

Familjarë, bashkëluftëtarë, miq e qytetarë të shumtë kanë bërë homazhe me rastin e 25 vjetorit të rënies së tyre.

Homazhet u bënë të Varrezat e Dëshmorëve në Penuhë të Podujevës, si dhe tek vendi i rënies së tyre tek Shkëmbi i Bardhë.

Ndërsa në përkujtim të rënies së dëshmorit të kombit, Fatmir Hyseni, vëllau i tij, ish i burgosuri politik, ish deputeti, Hajredin Hyseni ia ka kushtuar disa vargje poetike:

Në 25 vjetorin e rënies së Dëshmorit Fatmir H.Hyseni.

Erëra të forta frynin mbi Atdhe,

po Ti me Shkëmbin e Bardhë hovin ua ndalët.

Ti e dije se pa lirinë nuk hapëron Atdheu!

Sot Ti, Shkëmbi e Flamuri qëndroni të pa ndarë!