Policia në Hong Kong është përleshur me protestuesit në përvjetorin e kthimit të ish-kolonisë britanike nën sundimin e Kinës.

Ceremonia e ngritjes së flamurit është zhvilluar nën masa të rrepta të sigurisë, ndërsa policia ka përdorur gaz lotsjellës për të zmbrapsur protestuesit që bllokuan një rrugë pranë.

Udhëheqësit e Hong Kongut dhe mysafirët në ceremoni e kanë përcjellë nga brenda ngjarjen dhe jo nga jashtë, siç bëjnë zakonisht.

Qeveria, megjithatë, ka thënë se vendimi për të zhvendosur audiencën u mor për shkak të kushteve të motit.

Pasdite, qindra protestues po ashtu kanë bërë përpjekje për të hyrë në legjislaturën e Hong Kongut, ndërsa policia ka përdorur sprej djegës për t’i shpërndarë ata.

Në javët e fundit janë zhvilluar protesta masive në Hong Kong, për shkak të një ligji që do të lejonte ekstradimin e të dyshuarve në Kinë.

Qeveria e ka pezulluar ligjin e propozuar për kohë të pacaktuar, por protestat vazhdojnë ende.

Udhëheqësja e Hong Kongut kërkon falje për ligjin për ekstradim Hong Kongu, ish-koloni britanike, është pjesë e Kinës që nga viti 1997, nën marrëveshjen “një shtet, dy sisteme” që i garanton një nivel autonomie.