Nëntë persona kanë gjetur vdekjen dhe 38 të tjerë kanë mbetur të plagosur në një aksident rrugor në krahinën juglindore të Şırnakut në Turqi.

Aksidenti ndodhi në rrethin Silopi, ndërsa viktimat janë kryesisht kurdë.
Gazeta turke “Hyrriet” shkruan se autobusi mbante turmenë të Irakut, të cilët kishin ikur nga vendi i tyre i shkatërruar nga lufta për në Turqi, ndërsa tani po ktheheshin në vendin e tyre. Midis 9 pasagjerëve të vdekur, tre ishin fëmijë.

Autobusi njoftohet se ra në autostradën Silopi-Habur.

Ekipet e shërbimit emergjent u dërguan në zonë dhe udhëtarët e plagosur u dërguan në spitalet shtetërore Silopi dhe Cizre për trajtim.

Guvernatori i Şırnak Mehmet Akta shkoi në Silopi për të vëzhguar aksidentin, duke shprehur ngushëllimet e tij për ata që u vranë.

“Në aksident, tre fëmijë ishin midis nëntë njerëzve të vrarë dhe 38 të tjerë u plagosën. Të gjithë ata që humbën jetën janë turkmenë irakianë “, tha Aktaş.

Ai gjithashtu deklaroi se dy oficerë policie turq, të cilët ishin në detyrë për të dorëzuar turkmenët në Telafar të Irakut, ishin midis udhëtarëve të plagosur.