Përmbytje në Kroaci e Bosnje (foto)
17 maj 2023
| 11:32
Kroacia dhe Bosnjë e Hercegovina janë përballur ditëve të fundit me vërshime, për shkak të reshjeve të mëdha të shiut.
Lumenjtë Una dhe Krushnica, kanë dalë prej shtretërve të tyre. Në Bosnjë është shpallur gjendje e jashtëzakonshme, në komunat Novi Grad, Kostajnica, Bosanska Krupa dhe Bihaq.
Në Kroaci, rreth 300 trupa ushtarake janë aktivizuar për t’iu ndihmuar njerëzve në nevojë, thanë autoritetet.
Një burrë duke ecur nëpër ujërat që kanë përmbytur Obrovacin, Kroaci, të martën, 16 maj 2023. Reshjet e dendura të shiut në ditët e fundit kanë bërë që disa lumenj të dalin nga shtretërit, duke përmbytur shtëpi, rrugë dhe ndërtesa publike në disa qytete.
Anëtarët e mbrojtjes civile duke e larguar ujin me pompa në rrugët e përmbytura pasi lumi Zrmanja doli nga shtrati në Obrovac, Kroaci, të martën, 16 maj 2023.
Pamje e një zyre të përmbytur në Obrovac, Kroaci.
Një burrë që qëndron në oborrin e tij të përmbytur është fotografuar në Obrovac, Kroaci.
Një shesh i përmbytur në Obrovac, Kroaci, të martën, 16 maj 2023.
Një anëtar i mbrojtjes civile duke ecur nëpër ujëra nga përmbytjet në Obrovac, Kroaci.
Përmbytje ka pasur edhe në Bosnje e Hercegovinë si pasojë e reshjeve të dendura të shiut.
Gjendje emergjente nga përmbytjet është shpallur në komunat Novi Grad dhe Kostajnicë, në pjesën perëndimore të Bosnjë e Hercegovinës.
Përmbytjet në Bosanska Krupa, 17 maj 2023.
Një urë e përmbytur në Bosanska Krupa të Bosnjë e Hercegovinës.
Vërshimet në oborret e shtëpive në Bosanska Krupa.
Dalja nga shtrati e lumit Una ka shkaktuar përmbytje masive në Bosanska Krupa në perëndim të Bosnjë e Hercegovinës.
Një tjetër pamje e përmbytjeve në perëndim të Bosnjë e Hercegovinës.
Përmbytjet në Kostajnicë, Bosnjë e Hercegovinë.
Pamje nga përmbytjet në Novi Grad të Bosnjës.
Rrugë e përmbytur në Kostajnicë.
Është raportuar për ndërprerje të qarkullimit në disa rrugë lokale në Bosnjë e Hercegovinë.
Një pamje nga lart e vërshimeve në Bosanska Krupa. /REL
