Dy avionë të Forcave Ajrore në Kolumbi u rrëzuan gjatë stërvitjeve pasi u përplasën me njëri-tjetrin, duke shkaktuar vdekjen e dy pilotëve. Mediat e huaja raportojnë se avionët u përplasën gjatë një stërvitje në një bazë ushtarake në Departamentin Meta, Kolumbia qendrore.

Pamjet në video tregojnë një flotë avionësh luftarakë dhe shihet kur dy avionë T-27 Tucano përplasen, duke shpërthyer menjëherë në flakë.

Forcat Ajrore Kolumbiane lëshuan një deklaratë duke konfirmuar incidentin tragjik dhe duke shprehur ngushëllimet e tyre.