Janë përplasur në Kuvendin e Kosovës shefi i Grupit Parlamentar i Lidhjes Demokratike të Kosovës, Arben Gashi, dhe Ilir Kërçeli, shef i kabinetit të kryeparlamentarit Glauk Konjufca.

T7 raporton nga atje se përplasja mes Gashit dhe Kërçelit është përcjellur me ofendime e sharje.

Kryeparlamentari Glauk Konjufca ka thënë se ndaj Kërçelit ka pasur tentim për ta sulmuar fizikisht.

“Po pati mësymje, pati edhe sharje.. me familje, shprehje të cilat s’mund t’i përmend”, tha Konjufca.

Kërçeli ka shkruar dje në Facebook se një deputet i LDK-së për dy vjet ka shpenzuar 10,440 euro para të shtetit për derivate, duke aluduar në Gashin.

Gashi më pas reagoi duke thënë atë kohë s’e kishte ditur se me para të shtetit po i mbuloheshin shpenzimet e udhëtimit dhe se kishte hequr dorë nga kjo pagesë që para 10 vitesh.