Në 27-vjetorin e rënies së Luan Haradinajt dhe përvjetorin e bacës Smajl Haradinaj, janë bërë homazhe në Gllogjan, dhe është mbajtur akademinë përkujtimore në Pejë, ku morën pjesë shumë personalitete politike nga vendi dhe Shqipëria dhe Maqedonia e Veriut, si dhe komandanti i Gardës Kombëtare të Iowa-s, major gjeneral Timothy E. Orr.

Ramush Haradinaj, lideri i AAK-së, ka theksuar se në këtë ditë shumë miq e bashkëluftëtarë nga të gjitha pjesët e Atdheut i nderuan me pjesëmarrje.

“Veçanërisht jam nderuar me prezencën e mikut të dëshmuar të Kosovës, Komandantit të Gardës Kombëtare të Iowa-s, Major General Timothy E. Orr; liderit të shqiptarëve në Maqedoni të Veriut Ali Ahmeti; bacit Halit Konushevci; familjes Fazliu; Gjeneral Kudusi Lama; bashkëluftëtarëve të Luanit; Shoqatat e dala nga Lufta e UÇK-së; dhe shumë kolegëve e bashkëpunëtorëve. Le të jetë i përhershëm kujtimi për Heronjtë e Kombit”, ka theksuar Haradinaj.