Kryetari i Komunës së Kastriotit, Xhafer Gashi, dhe ministri i Punëve të Brendshme, Bjetush Gashi, kanë përuruar të hënën objektin e ri të Qendrës së Regjistrimit Civil (QRC) në këtë komunë.

Projekti për financimin e këtij objekti është bashkëfinancuar nga Komuna e Kastriotit dhe Ministria e Punëve të Brendshme.

Ky objekt do të ofrojë shërbime të shumta, duke përfshirë: shërbimin për aplikim për lëshimin e letërnjoftimeve, pasaportave, patentëshoferëve dhe regjistrimit të automjeteve.

Po ashtu ky objekt do të shfrytëzohet edhe nga zyrat e gjendjes civile të cilat bëjnë regjistrimin e fakteve të lindjes, martesës dhe vdekjes.

/Epoka e re/