Përzgjedhësi i Kosovës, Franco Foda ka vendosur të bëjë një grumbullim interesant për t’i testuar disa futbollistë të rinj.

Përzgjedhësi ka në plan që të shikojë nga afër potenciali e disa lojtarëve të rinj, që cilësohen si e ardhmja e “dardanëve”.

Andaj, Foda ka dërgua ftesa te disa ekipe nga Superliga e Kosovës, për disa lojtarë të tyre. Kjo u bë e ditur edhe sipas një postimi nga FFK, ku edhe është publikuar lista e lojtarëve të ftuar.

“FFK-ja organizon kamp stërvitor me futbollistët e rinj, kandidatë potencialë për ekipin kombëtar A”, thuhet fillimisht në njoftimin e shtëpisë së futbollit kosovar.

“Përzgjedhësi i Kombëtares së Kosovës, Franco Foda, pas përcjelljes së vazhdueshme të futbollistëve të rinj që janë kandidatë potencialë për ekipin kombëtar, ka vendosur që nga data 12 deri më 15 janar të organizojë një kamp stërvitor në Prishtinë, për të parë nga afër futbollistët e rinj (nën 21 vjeç) që janë kandidatë potencialë për ekipin kombëtar A”, thuhet më tej në reagimin e FFK-së.