Pas mbylljes së sezonit, i gjithë fokusi i klubeve të futbollit kthehet te merkato, me Interi që ka gati operacionin “fshesa”.

Mediat italiane bëjnë me dije se klubi “zikaltër” do të largojë pesë lojtarë përpara nisjes së sezonit të ri.

Alexis Sanchez, Davy Klassen, Emil Audero, Juan Cuadrado dhe Stefano Sensi u është treguar “dera” nga Inter, me të pestë lojtarët që largohen me parametra zero.

Vetëm sulmuesi kilian u aktivizua më shumë nga trajneri Simone Inzaghi në sezonin e sapo përfunduar, por pavarësisht se ai dhuroi disa shkëndija, vështirë se mund të rinovojë kontratën.

Klassen, i cili erdhi nga Ajax, ishte një zhgënjim i madh, dhe Interi nuk ka ndërmend të shpenzojnë 7 milionë euro për Auderon.

Cuadrado dhe Sensi janë gjithashtu jashtë, me këtë të fundit që ka admirues në Amerikë.

Stefano Sensi do të largohet nga “zikaltërit” pas një sezoni me pak minuta në fushë edhe për shkak të pranisë së shumë mesfushorëve në skuadrën e Inzaghi.