Afro pesë orë janë pritjet në dalje të pikës kufitare të Merdares.

Mëngjesin e sotëm qytetarë të shumtë po detyrohen të presin për orë të tëra në dalje të kësaj pike kufitare që këtë verë ka qenë shumë e ngarkuar.

Sipas të dhënave nga Ministria e Punëve të Brendshme pritjet janë 240 deri në 260 minuta apo 4 mijë deri në 5 mijë metra kolonë.

Ndërsa tek Dheu i Bardhë dalja është më e shkurtër ku vonesat zgjasin deri në dy orë.

Duhet përkujtuar që përgjatë këtyre ditëve janë edhe shumë mërgimtarë të cilët largohen nga Kosova pas përfundimit të pushimit veror.