Komuna e Ferizajt vazhdon të prijë në nivel vendi me numrin më të lartë të personave të prekur me Covid-19.

Sipas Institutit Kombëtar të Shëndetësisë Publike të Kosovës (IKSHPK), në 24 orët e fundit në këtë komunë janë regjistruar edhe pesë raste të reja, prej tyre katër në qytet dhe një në Balaj.

Komuna e Ferizajt ka njoftuar se të gjitha rastet e reja janë raste kontakti, teksa iu uron shërim pacientëve të prekur me Covid-19.

Ferizaj ka gjithsej 134 raste me Covid-19, prej tyre dy kanë vdekur.

(Q.R / Epoka e re)