Policia ka peshuar lëndën narkotike që u kap sot në një konteiner me banane në portin e Durrësit. Raportohet se bëhet fjalë për 11 kg e 650 gram kokainë.

Në kontejner u gjetën 14 pako. Sipas informacioneve, ngarkesa ishte nisur më 8 korrik nga porti i Pireut dhe ka mbërritur në Portin e Durrësit në 11 korrik. Ngarkesa me banane vinte nga Ekuadori.

Për rastin janë shoqëruar për t’u marrë në pyetje dy persona. Mësohet se ata janë porositësi i bananeve dhe drejtuesi i kamionit që do të merrte konteinerin.