Tifozët gjermanë kanë nisur një peticion që çerekfinalja e “Euro 2024” të riluhet.

Skuadra e Julian Nagelsmann u eliminua nga Evropiani në shtëpinë e tyre nga Spanja të premten. Spanja përparoi falë një goli në minutën e 119-të nga Mikel Merino, duke e dërguar “Stuhinë e Kuqe” në gjysmëfinale. Megjithatë, gjermanët besuan se duhet të ishin dhënë një penallti para se Merino të shënonte për spanjollët.

Gjuajtja e Jamal Musiala goditi dorën e Marc Cucurella më herët në kohën shtesë – dhe gjyqtari i Premier League, Anthony Taylor, lejoi vazhdimin e lojës pavarësisht apelimeve të mbështetësve të kombëtares vendase. Shumë tifozë që po shikonin ndeshjen u habitën nga vendimi – disa madje thanë se kombëtaret duhet të bojkotojnë gjyqtarët anglezë. Dhe tani një peticion është nisur online nga tifozët gjermanë – me një qëllim për të arritur 500,000 nënshkrime, dhe tashmë ka shkuar në 350,000. Megjithatë, gjyqtarët ishin të saktë në vendimin e tyre për shkak të udhëzimeve të reja të UEFA-s.

Sipas ESPN: “Brifingu i UEFA-s para turneut për prekjet me dorë dha një shembull specifik si ai i Marc Cucurella, duke thënë se nuk duhet të jetë penallti për prekje me dorë”.