Ligjvënësit bullgarë votuan të hënën Kiril Petkov, një sipërmarrës i arsimuar në Harvard, si kryeministër dhe miratuan përbërjen e qeverisë së tij të koalicionit të gjerë, duke i dhënë fund muajve të bllokimit politik në shtetin më të varfër anëtar të Bashkimit Evropian, raporton “Reuters”.

Petkov, 41 vjeç ka fituar zgjedhjet e treta kombëtare të Bullgarisë këtë vit në nëntor, siguroi një shumicë të qartë prej 134 votash në parlamentin 240 anëtarësh për të marrë frenat e vendit ballkanik.

Ai do të drejtojë një koalicion të paprecedentë qeverisës me socialistët e majtë, partinë anti-establishment ITN dhe Bullgarinë Demokratike të qendrës së djathtë, të bashkuar nën moton “zero tolerancë ndaj korrupsionit”, për një mandat katër-vjeçar.

“Unë do të insistoj që korrupsioni nga niveli më i ulët tek ai më i lartë të ekspozohet”, i ka thënë Petkovi dhomës përpara zgjedhjes së tij, duke u bërë thirrje të gjithë ligjvënësve që të mbështesin ndryshimet ligjore të nevojshme për rishikimin e gjyqësorit.

Qeveria e re merr drejtimin pas tetë muajsh ngërç politik dhe dy administrata të përkohshme pasi zemërimi kundër korrupsionit të nivelit të lartë i ka dhënë fund sundimit dhjetëvjeçar të ish-kryeministrit të qendrës së djathtë, Bojko Borisov.

Kabineti i tij do të duhet të drejtojë Bullgarinë përmes sfidave që variojnë nga kostot e larta të energjisë dhe normat e ulëta të vaksinimit kundër Covid deri të përgatitja e ekonomisë për hyrjen në eurozonë në vitin 2024.

“Detyra ime e parë do të jetë të mbaj kostot e energjisë elektrike për konsumatorët dhe të rrisë nivelin e vaksinimeve të paktën në nivelin mesatar në BE”, u ka thënë Petkovi gazetarëve.

Ai është zotuar të thellojë integrimin e Bullgarisë në aleancën në BE dhe NATO dhe të intensifikojë bisedimet me Maqedoninë e Veriut fqinje për të zgjidhur një mosmarrëveshje historike që ka shtyrë Sofjen të bllokojë fillimin e bisedimeve të pranimit në BE me Shkupin.

Më herët ai ka deklaruar se Bullgaria nuk do të ndryshojë qëndrimin e saj ndaj Maqedonisë së Veriut.