Petkoviq e lë Zvicrën, nënshkruan me klubin francez
28 korrik 2021
| 09:02
Trajneri boshnjak, Vladimir Petkoviq pas 7 vjetësh është larguar nga Përfaqësuesja e Zvicrës dhe i është bashkuar skuadrës franceze, Bordeaux.
Ish-trajneri i Zvicrës, ka nënshkruar kontratë trevjeçare me Girondins de Bordeaux.
Lajmi është konfirmuar nga klubi elitar i Francës përmes një komunikate të lëshuar.
“Jemi krenar të ju njoftojmë zyrtarisht se Vladimir Petkoviq është kryetrajner i Girondins de Bordeaux”, thuhet në komunikatë.
Petkoviq sa ishte pjesë e ekipit përfaqësues zviceran arritjen më të madhe e kishte këtë vit duke e dërguar Zvicrën në çerekfinale të Kampionatit Evropian të futbollit “Euro2020”. Petkoviq, përpos që ka drejtuar kombëtaren e Zvicrës, ai ka drejtuar edhe Lazion si dhe ka luajtur për shumë ekipe.