Drejtori i të ashtuquajturës Zyrë Serbe për Kosovën, Petar Petkoviq, ka uruar Millan Radojeviqin për rezultatet e djeshme në garën për kryetar të Komunës së Mitrovicës dhe Listës Serbe për, siç tha, “një fitore tjetër bindëse të harmonisë dhe unitetit serb”.

“Jam i lumtur sepse me këtë fitoi politika e Republikës së Serbisë në Kosovë dhe edhe një herë mori mbështetje bindëse nga qytetarët”, raporton “Tanjug”.

Lista Serbe me kandidatin  Milan Radojeviq, ka fituar në Komunën e Mitrovicës së Veriut me 82.86 për qind të votave.

Sipas rezultateve preliminare të Komisionit Qendror të Zgjedhjeve, kandidati Erden Artiq nga Lëvizja  Vetëvendosje ka marrë 3.68 për qind, Florent Azemi i PDK-së 3.54 për qind të votave dhe kandidati i pavarur Dushan Milionoviq 2.92 për qind të votave.