Petkoviqit i ndalohet hyrja në Kosovë
03 shtator 2021
| 12:37
Shefi i të ashtuquajturës Zyra Serbe për Kosovën, Petar Petkoviq, ka bërë me dije se sot i është ndaluar hyrja në Kosovë.
Sipas njoftimi të kësaj zyre, Petkoviq planifikonte të qëndronte dy ditë në Kosovë.
“Ky është ndalimi i tretë i Prishtinës për drejtorin e Zyrës për Kosovën dhe Metohinë dhe negociatorin kryesor serb në dialogun teknik, dhe kjo vjen përpara vazhdimit të dialogut midis Beogradit dhe Prishtinës javën e ardhshme në Bruksel, gjë që tregon gjithashtu edhe mosgatishmërinë e Prishtinës për normalizimin e marrëdhënieve me Beogradin”, është thënë në njoftimin e zyrës.