Deputeti i grupit parlamentar të Listës Serbe, Sllobodan Petroviq, ka folur pak para seancës plenare të Kuvendit të Kosovës, në të cilën pritet të votohet ratifikimi i demarkacionit me Malin e Zi.

“Nuk e di saktë si do të votojë Lista Serbe, por është në interes të votohet për ratifikimin e marrëveshjes. Është marrëveshje ndërkombëtare dhe është një lloj presioni pozitiv i BE-së që duhet të respektohet”, ka thënë Petroviqi.

Më tutje, ai ka thënë se personalisht e ka ndërmend të votojë pro demarkacionit.