La Liga është pezulluar për dy javë pasi lojtarët e Real Madridit dhe stafi janë vendosur në karantinë për 15 ditë pasi një lojtar i basketbollit i Realit është testuar pozitiv me koronavirus, njoftojnë mediumet spanjolle të enjten.

Pas një takimi mes Federatës së Futbollit të Spanjës, Unionit të Lojtarëve të Spanjës dhe La Ligas është vendosur të pezullohet për dy javë elita e futbollit spanjoll.

Ndeshjet ishte paraparë të luheshin pa shikues. “Ne do të rivlerësojmë situatën pas kompletimit të karantinës në klubin e prekur”, është thënë në komunikatë të La Ligas.