Skuadra e Memphisit triumfoi me rezultat 142-101 ndaj Milwaukee, në një ndeshje të dominuar nga vendasit. Antetokounmpo realizoi 19 pikë, por nuk arriti të ishte lider në këtë sfidë, ndërsa për Memphisin, tetë lojtarë realizuan mbi 10 pikë. Ja Morant realizoi një “triple double”, me 25 pikë, 10 rebound e 10 asistime.

Miami mposhti Houstonin (111-108) jashtë fushe, në një sfidë të ekuilibruar deri në fund. Tyler Herro me 41 pikë ishte shënuesi më i mirë në parket për Heat. Fiton

edhe Phoenixi, që mundi me shifrat 111-95 Clippersat, duke ruajtur kreun në Perëndim. Birdges me 27 pikë ishte më i miri për Suns. Pas kohës shtesë fiton Utah Jazz, që mundi 132-129 ndaj New Orleans, dy ekipe rivale në Perëndim. Clarkson me 39 pikë e Markkanen me 31 bënë diferencën në parket për Jazz, duke i bërë të pavlefshme 31 pikët e Williamson për miqtë.

Rezultatet

Houston – Miami                108-111
Memphis – Milwaukee       142-101
Utah Jazz – New Orleans   132-129
Clippers – Phoenix               95-111