Trajneri i Milanit, Stefano Pioli u shfaq mjaft i kënaqur me paraqitjen e kuqezinjve në ndeshjen kundër Manchester United (1-1). Ai ka thënë se janë në rrugën e duhur për të rikthyer Milanin e madh.

“Jam shumë i kënaqur me paraqitjen e futbollistëve të mi, që luajtën me autoritet dhe mbajtën kontrollin e lojës, përballë një kundërshtari vërtetë të fortë. E dinim që na pret një ndeshje e vështirë, por unë stërvit një ekip me djem të shkëlqyer dhe takime e paraqitje si kjo na rritin edhe më shumë vetëdijen për forcën tonë. Jemi në rrugën e duhur për të rikthyer Milanin e madh”, ka thënë  Pioli.