Trajneri Stefano Pioli ka thënë se Milani e meritonte të fitonte ndeshjen ndaj Interit në gjysmëfinalen e Kupës së Italisë (0-0).  Mirëpo trajneri Pioli është shfaqur i kënaqur me paraqitjen e futbollistëve kuqezi.

“Milani luajti mirë dhe meritonte diçka më shumë, por nëse e shikojmë në të dy ndeshjet, është një rezultat i mirë. Unë ende mendoj se e merituam një fitore këtë mbrëmje. Është vetëm një rezultat i pjesshëm, e dimë se i dyti do të jetë shumë i vështirë, por jam i kënaqur me paraqitjen. Kemi bërë progres gjatë dy viteve e gjysmë të fundit, do të dëshironim të fitonim diçka dhe ta bënim këtë një sezon të mrekullueshëm”, ka thënë Pioli.

“Zgjodha ekipin që ishte më i miri për këtë ndeshje, bazuar edhe në karakteristikat taktike. Nuk po mendoja fare për Napolin. Ky është një tjetër provë shumë e vështirë, por sa më e ashpër të jetë pengesa, aq më e kënaqshme është për t’u kapërcyer”, ka shtuar Pioli.