Piratët kanë rrëmbyer 12 pjesëtarë të një ekuipazhit të një anije mallrash zvicerane që po lundronte në ujërat nigeriane.

Firma “Massoel Shipping” ka thënë se anija e tyre “MV Glarus”, që po transportonte grurë nga kryeqyteti i Nigerisë, është sulmuar të shtunën.

“Piratët u ngjitën në Glarus përmes shkallëve të gjata dhe më pas prenë telat me gjemba në kuvertë”, ka thënë firma për agjencinë “AFP”.

Piratët janë larguar ishulli Boni drejt Niger Delta, duke marrë me vete 12 pengje nga 19 pjesëtarët e ekuipazhit.

Nacionalitetet e anëtarëve të ekuipazhit të kësaj anijeje ende mbeten të panjohura, por firma ka thënë se familjet e pengjeve janë informuar për situatën.

Firma “Massoel” ka thënë se piratët kanë “shkatërruar të gjitha pajisjet e komunikimit të anijes”.

Specialistët janë nisur drejt anijes për t’u siguruar se pengjet do të lirohen sa më shpejt, tha kompania që ka në pronësi anijen e rrëmbyer.

Në Nigeri, rrëmbimi i anijeve dhe ekipeve të ekuipazhit është gjë e rëndomtë. Piratët në të shumtën e rasteve sulmojnë anijet që kanë në ekuipazh persona me kombësi të huaj.